四川麻辣擔擔麵

去完US番黎

又忙住湊糖糖豬

好耐冇煮飯

上個月係Rachel度學嘅上海菜

好想交功課

紅油已經交左比膠b負責浸緊

但我等唔切

不如先黎個冇紅油嘅麻辣擔擔麵

麻辣醬:

豉油,鎮江醋,芝麻醬,花椒油,紅油(我用芥花籽油代替住先),糖,蒜頭,乾葱,薑,花椒粉

麻辣味嘅來源全靠花椒粉及花椒油,可根據個人嚐辣程度加減

多謝yiuyiu幫我地張羅d花椒,辣椒等材料...

將全部材料攪拌

好香..流哂口水....

Rachel話放入雪櫃過2日仲好味....

其他材料:

免治豬肉

先用豉油及糖醃片刻,之後炒熟放涼

白芝麻及花生

白鑊炒香芝麻

花生150C x 30mins焗香

lee隻台灣嘅關廟麵做擔擔麵唔錯

水滚後煮5mins就OK

Rachel話傳統嘅擔擔麵係撈麵冇湯的....

麵盛起,放肉碎...

再放少少四川碎米芽菜

淋上麻辣醬

再放上芝麻

炒香花生

有同學仔話係全宇宙最好味嘅擔擔麵...

好耐冇湯水...見到yam整冬瓜盅...

照跟...

有冬瓜,瘦肉,蓮子,冬菇,江瑤柱,雲腿...

好味到飛起

大滿足