2011/03/27

嫩雞煨麵

猶記得孩童時
每次媽咪帶我地去上海館用餐
一定會叫lee個嫩雞煨麵

當然小時候並不懂燴煨麵同普通湯麵有何分別
只係覺得好好味
好易入口
食極都唔會厭

大個左...
知道原來分別在於個湯底...

而湯底嘅做法原來並唔太難...
只係功夫及時間要花多少少...

所以每逢"好得閒"果日...
我就愛躲入厨房...
慢慢去製作lee個嫩雞煨麵...

懷緬下細個嘅時侯...
又希望將來XX都會懷緬下我親身做嘅嫩雞煨麵....


雞半隻

先起骨,拆肉


將雞肉切粒,用糖,鹽油,胡椒粉及水略醃


小棠菜2棵


切粒


上海幼麵


先將起肉後雞骨出水


沖淨後,加薑,雞湯375ml,水1.5L


煮滾後中細火煮30-40mins成濃雞湯


最後加鹽(可以咸少少),胡椒粉,糖及1湯匙奶or荳漿


做法: 先將雞肉及小棠菜放入濃湯


灼熟


盛起


另一鍋燒熱水


放入上海麵煮片刻


熄火,將一碗凍水撞入麵內


之後才過冷河


將麵放入濃湯內煮片刻


盛起...放入嫩雞,小棠菜及濃雞湯即可.....


食指大動

每次我同XX都可以每人食2大碗....

沒有留言:

發佈留言

如想收到留言通知,請按"通知我"